काठमाडौं खबर 
कार्तिक २९, २०८१ काठमाडौं । काठमाडौंको गोकर्णेश्वर नगरपालिकाको ३ नं वडामा बसोबास गर्ने एकै परिवारका तीन जनाको ज्यान गएको छ । उनीहरुको एउटै कोठामा प्रहरीले शव भेटेको जिल्ला प्रहरी कार्यालय काठमाडौंले जनाएको छ ।
अहिले घटनास्थलमा प्रहरी वृत्त, बौद्ध, जिल्ला प्रहरी परिसर, काठमाडौं र उपत्यका अपराध अनुसन्धान कार्यालयले अनुसन्धान गरिरहेको काठमाडौं प्रहरीले जनाएको छ । मृत्यु हुनेमा सीता मोक्तान र उनकी एक छोरा र एक छोरी रहेको बताइएको छ । शवको मुचुल्का भइरहेको छ भने त्रिवि शिक्षण अस्पताल महाराजगञ्जबाट चिकित्सकसहितको टोली समेत घटनास्थलमा पुगेको छ ।
मृतक सीताका श्रीमान् कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेपछि पुगेको प्रहरीको टोलीले घरकै कोठामा शव भेटेको हो ।