काठमाडौं खबर 
भदौ ३, २०८१ काठमाडौं । जल तथा मौसम विज्ञान विभागले काठमाडौंसहित देशका विभिन्न स्थानमा रहेको नदीमा बाढीको जोखिम रहेको जनाएको छ । सोमबार बिहानको बुलेटिन अनुसार काठमाडौंसहित देशका केही नदी तथा खोलामा बाढीको जोखिम देखिएको हो । देशका केही स्थानमा मध्यमदेखि भारी वर्षाको सम्भावना रहेकाले आकस्मिक बहावको जोखिम रहेको हो ।
काठमाडौं, ललितपुर, भक्तपुर, ओखलढुंगा, सिन्धुली, रामेछाप, दोलखा, सिन्धुपाल्चोक र गोरखा भएर बग्ने नदी तथा खोलामा बाढीको जोखिम रहेको हो । त्यस्तै, संखुवासभा, खोटाङ, धनुषा, महोत्तरी, सर्लाही, रोल्पा, सल्यान, सुर्खेत, वर्दिया, दार्चुला र आसपासका जिल्ला भर्एर बहने केही नदी तथा खोलामा बहाव बढ्ने पूर्वानुमान छ ।
यसबाहेक लमजुङ, कास्की, पर्वत, बाग्लुङ, म्यादी, स्याङजा, तनहुँ, नवपरासी (पूर्व), नवपरासी (पश्चिम), पाल्पा, रुपन्देही, कपिलवस्तु, दाङ, बाँके, रुकुम (पूर्व), रुकुम (पश्चिम), जाजरकोट र आसपास भएर बहने अधिकांश नदी तथा खोलामा बहाव उल्लेख्य बढ्ने जल तथा मौसम विज्ञान विभागले जनाएको छ ।