काठमाडौं खबर 
मंसिर ६, २०८१ काठमाडौं । गएराति मध्यरातमा ललितपुरको बालकुमारीमा भीषण आगलागी भएको छ । प्रहरीको प्रारम्भिक अनुसन्धानअनुसार विद्युत् सट भएर भएको आगलागीमा जुम्बा डान्ससेन्टर, डगेरा फार्मेसी, पान पसल र मःम पसलसमेत जलेर नष्ट भएको प्रहरीले जनाएको छ।
मध्यराति नै काठमाडौँका तीन र ललितपुरका दुई गरी पाँच वटा दमकलको सहायताले आगलागी नियन्त्रणमा लिइएको पनि जिल्ला प्रहरी कार्यालय ललितपुरले जनाएको छ ।
आगलागीबाट भएको क्षतिको विवरण संकलन भइरहेको प्रहरीको भनाइ छ ।