अनियन्त्रित गतिमा आएको झाँक्री प्रकाश भुजेलको गाडीले ठक्कर दिँदा दुई जना गम्भीर घाइते

काठमाडौं खबर       कार्तिक २८, २०८१

काठमाडौं । झारफुक गरेको भिडियो सामाजिक सञ्जालमा राखेर भाइरल बनेका प्रकाश भुजेलले चलाएको गाडीले मोटरसाइकललाई ठक्कर दिँदा दुई जना घाइते भएका छन् । अनियन्त्रित गतिमा आएको सो गाडीले शंकरापुर नगरपालिकाको इन्द्रायणीमा मोटरसाइकललाई ठक्कर दिएको थियो ।

स्कुटरलाई ठक्कर दिएपछि उनको गाडी अनियन्त्रित भई घरभित्र छिरेको थियो । आफूलाई ‘बिरामीको साथी धर्म गुरु’ भनेर चिनाउने झाँक्री भुजेल भने गाडी घरभित्र ठोक्किएपछि फरार भएका छन् ।

साँखुमा प्रकाश मानव सेवा सांस्कृतिक झाँक्री केन्द्र सञ्चालन गरेका उनको खोजी भइरहेको प्रहरीले जनाएको छ ।