काठमाडौं खबर 
अशोज ११, २०८१ काठमाडौं । काठमाडौंमा ‘डा. गौरीशंकर लाल दास मार्ग’को अनावरण गरिएको छ ।
बिहीबार काठमाडौं महानगरपालिका वडा नं ७ ले चाबहिलमा आयोजना गरेको एक कार्यक्रमकाबीच नेपाली काँग्रेसका महामन्त्री गगन थापाले सो सडकको अनावरण गरेका हुन् ।
दिव्य शताब्दी पुरुष दास जन्म शताब्दी वर्ष २०८० मूल समारोह समितिको सहकार्यमा निर्माण गरिएको सो मार्गले दासको योगदानलाई सो क्षेत्रका भावी पुस्ताले समेत स्मरण गर्न सक्ने कार्यक्रममा बोल्ने वक्ताहरूको धारणा थियो ।
दासको १०१ औं जन्मदिनको उपलक्ष्यमा आयोजित सो कार्यक्रममा प्रमुख अतिथि गगन थापासहित सहभागीले उनको जन्मदिनको शुभकामना व्यक्त गरेका थिए ।
दास नेपालको चिकित्सा सेवा, मानवअधिकार, समाजसेवा, व्यवस्थापन, प्रशासन र सुशासनको क्षेत्रमा मुलुकलाई अतुलनीय योगदान दिएका व्यक्ति हुन् ।
