काठमाडौं खबर 
असार १९, २०८१ काठमाडौं । नेपाली काँग्रेस बुढानीलकण्ठ कार्यसमितिले आयोजना गरेको रक्तदान कार्यक्रममा ५२ जनाले रक्तदान गरेका छन् । स्व गिरिजाप्रसाद कोइरालाको १०१ औं जन्मजयन्तीको अवसरमा बुनपा ८ को वडा कार्यसमितिको सह आयोजनमा गरेको कार्यक्रममा ५२ जनाले रक्तदान गरेको बुढानीलकण्ठ नगर समितिका सचिव बिजेन्द्र श्रेष्ठले जानकारी दिए ।
उक्त कार्यक्रमलाई लायन्स क्लब अफ काठमाडौं सद्भाव ३२५ र लायन्स क्लब अफ काठमाडौं कपनले सहयोग गरेका छन् ।
कार्यक्रम बिहान ८ बजेदेखि १२ बजेसम्म आयोजना गरिएको थियो । कार्यक्रममा नेपाली काँग्रेसका महामन्त्री गगन थापालाई प्रमुख अतिथि र काँग्रेस नेता प्रदीप पौडेललाई विशेष अतिथिको रूपमा आमन्त्रण गरिएको छ ।