काठमाडौं खबर 
असार १६, २०८१ काठमाडौं । पछिल्लो समय सामाजिक सञ्जालमा एउटा गाडीको तस्वीर भाइरल भइरहेको छ । सरकारी नम्बर प्लेटको एउटा गाडीले चक्रपथस्थित ललितपुरको सातदोबाटोमा मूल सडकबाट डिभाइडर नाघेर सर्भिस लेनमा गएको फोटो सार्वजनिक भएको छ । सञ्जालमा भाइरल यो तस्वीरले नेपालीको वास्तविक चरित्र चित्रण गरेको उल्लेख गरिएको छ ।
सामाजिक सञ्जालमा भाइरल भइरहेको तस्वीरमा बा १ झ ७६७५ नम्बरको सरकारी नम्बरप्लेट भएको गाडीले लेन उल्लंघन गरेको हो । शुक्रबारको यो घटनामा संलग्न सवारी जल उत्पन्न प्रकोप नियन्त्रण विभागको रहेको प्रहरीले जनाएको छ । ट्राफिक प्रहरी महाशाखाले सो सवारीका चालकलाई कारबाहीको दायरामा ल्याइसकिएको बताएको छ ।