काठमाडौं खबर 
माघ १६, २०८० काठमाडौं ।बुढानीलकण्ठ नगरपालिकाका वडाध्यक्षहरूले विद्यालय व्यवस्थापन समितिको अध्यक्षका लडाइँ गरिरहेको समाचार प्रकाशित भएकै बेला सो नगरपालिकाका मेयर मिठाराम अधिकारी आफै क्याम्पस सञ्चालक समितिको अध्यक्षमा बसेको छन् ।
कुनै समय “जे को भए पनि अध्यक्ष बन्न पर्ने व्यक्ति” भनेर आलोचित बुढानीलकण्ठ नगरपालिकाका मेयर मिठाराम अधिकारी संकटापन्न कपन बहुमुखी क्याम्पसको संचालक समिति अध्यक्षमा आफै बस्न चाहेको बुझिएको छ । नियमतः जनप्रतिनिधि कुनै पनि यस्ता समितिहरुमा बस्न नपाइने भए पनि बुढानीलकण्ठमा यस्ता नियमहरू मानिने गरिएको देखिदैन । मेयर अधिकारी उनकै निवासमा रहेकाे एक सहकारीको अध्यक्ष अझै सक्रिय रहेका छन् ।
बुढानीलकण्ठ वडा नं ११ का वडाध्यक्षले ग्राम शिक्षा मन्दिर मावि व्यवस्थापन समितिको अध्यक्षमा बस्न लडाइँ गरिरहेको समाचारकाबीच मेयर अधिकारी आफै क्याम्पस सञ्चालक समितिमा बसेको निर्णय सार्वजनिक भएको ।
संकटमा रहेको कपन बहुमुखी क्याम्पसलाइ नगरको नमुना शैक्षिक संस्थाको रूपमा विकास गर्न लागेको भन्ने शब्दावली राखेर मेयर अधिकारीसहितका जनप्रतिनिधि सञ्चालक समितिमा बसेका छन् । सञ्चालक समितिमा उपमेयर अनिता लामासहित तीनजना वडाध्यक्ष रहेका छन् । जनप्रतिनिधिभन्दा बाहेकका व्यक्तिमा कमल गौतम र माधव आचार्य, केदार पुडासैनी र विष्णु शर्मा रहेका छन् । पुर्व उपमेयर रमा राइ पनि सञ्चालक समितिमा रहेकी छिन् । सो क्याम्पस संचालक समितीको सदस्य सचिवमा क्याम्पस प्रमुख भुमिदत्त पौडेल रहेने बताइएको छ ।