काठमाडौं खबर 
मंसिर ७, २०८० काठमाण्डौ । चाबहिल भत्केको पुल नजिक मोटरसाइकल दुर्घटना हुँदा एकजना गम्भीर घाइते भएका छन् । आज बिहान चाबहिल भत्केको पुल नजिकको ओरालोमा आज बिहान ३ बजे प्रदेश ३–०२–००७ प १३१६ नम्बरको मोटरसाइकल दुर्घटना हुँदा कपन बस्ने सिन्धुपाल्चोकको त्रिपुरासुन्दरी गाउँपालिका वडा नम्बर २ का २८ वर्षे ईश्वर अधिकारी घाइते भएको प्रहरीले जानकारी दिएको छ। उनको उपचार चाबहिलस्थित हेल्पिङ ह्याण्ड्स अस्पतालमा भइरहेको छ ।
यसैगरी ललितपुरको महालक्ष्मी नगरपालिका ९ लामाटारमा बुधबार बेलुकी आठ बजे साइकलको ठक्करबाट स्थानीय एकजना पैदलयात्री गम्भीर घाइते भएका छन् । घाइते हुनेमा ५६ वर्षीय मनोहर गौतम छन् ।