काठमाडौं खबर 
पुस २७, २०८० दाङको देउखुरीस्थित भालुवाङमा नाइट बस दुर्घटना भएको छ । बाँकेको नेपालगन्जबाट काठमाडौँ आउँदै गरेको भे १ ख ३९१२ नम्बरको बस शुक्रबार राति करिब साढे १० बजे राप्ती नदीमा खसेको हो । बस राप्ति पुलबाट खसेर १२ जनाको मृत्यु भएको इलाका प्रहरी कार्यालय भालुवाङले जनाएको छ ।
बसमा करिब ३७ जना यात्रु सवार रहेको अनुमान गरिएको छ । दुर्घटनामा घाइते भएका १७ जनाको उद्धार भएको जनाइएको छ । धेरैजसोको बसले च्यापिएर मृत्यु भएको छ । बस पुलको रेलिङ भाँच्दै दायाँतर्फ राप्ती नदीमा खसेको बताइएकाे छ । घाइतेहरुलाई उपचारका लागि बुटवल र नेपालगन्ज पठाइएको छ ।