काठमाडौं खबर 
मंसिर ६, २०८१ काठमाडौं । बुधबारको तुलनामा बिहीबारको न्यूनतम तापक्रम थोरै बढेको छ । हिजो ९.२ डिग्री रहेको तापक्रम आज भने ९.५ पुगेको छ ।
धेरै चिसो हुने बिहानको तापक्रम केही बढेको भए पनि बिहान चिसोको अनुभूतिमा भने खासै फरक देखिँदैन । आज बिहान ५:४५ को मापनमा काठमाडौं उपत्यकाको न्यूनतम तापक्रम ९.५ डिग्री सेल्सियस देखिएको हो।
न्यूनतम तापक्रम सामान्यतया हरेक दिन बिहान ८:४५ तथा अधिकतम तापक्रम साँझ ५:४५ बजे मापन गरिन्छ। त्यसैले आजको अधिकतम तापक्रम भने साँझ मात्र आउनेछ।