काठमाडौं खबर 
साउन ३०, २०८१ काठमाडौं । भक्तपुरमा रहेको प्राविधिक शिक्षा तथा व्यावसायिक तालिम परिषद्(सीटीईभीटी)ले ३६० जनालाई निःशुल्क प्राविधिक शिक्षा प्रदान गर्ने भएको छ । बुधबार एक विज्ञप्ति जारी गर्दै परिषद्ले योग्य आवेदकले यही भदौ २० गतेभित्र आवेदन फाराम बुझाउन पनि अनुरोध गरेको छ ।
परिषद्का अनुसार प्रवेश परीक्षा भदौ २९ गते हुनेछ ।
दलित, मुस्लिम, विपन्न र सीमान्तकृत समुदायका छात्रछात्रालाई प्राविधिक शिक्षामा विशेष छात्रवृत्ति कार्यक्रम अन्तर्गत प्रि–डिप्लोमा तथा डिप्लोमा तहका कार्यक्रमहरुमा निःशुल्क अध्ययन गर्न प्रवेश परीक्षाका लागि आवेदन फाराम खुला गरिएको सीटीईभीटीले जनाएको छ ।