काठमाडौं खबर 
फाल्गुन २७, २०८० काठमाडौं । टेरामक्स प्रविधि घोटाा प्रकरणमा अख्तियार दुरुपयोग अनुसन्धान आयोगले बयान लिएका मुख्यसचिव अर्यालले अस्वभाविक रुपमा चलखेल गरेको आरोप लागेका नेपाल सरकारका मुख्यमन्त्री डा. बैकुण्ठप्रसाद अर्याललाई बर्खास्त गरिने सम्भावना बढेको छ । प्रधानमन्त्री पुष्पकमल दाहालले अर्याललाई हटाउने तयारी गरेका छन् । अर्यालले अटेरी गरेको भन्दै प्रधानमन्त्री दाहालले आज एक्शन लिने तयारी गरेको माओवादी केन्द्र स्रोतको दाबी छ ।
यसअघि उनलाई बिदामा बस्न भनेर प्रधानमन्त्रीले गरेको अनुरोधलाइ अर्यालले अटेरी गरेपछि अर्याललाई बर्खास्त नै गर्ने तयारी गरेका हो । बिदामा बस्न भनिएका अर्याल सिंहदरबार आएर हाजिरी गरेपछि खैलाबैला मच्चिएको थियो । अख्तियारले उक्त टेरामक्स प्रविधि घोटाला प्रकरणमा सोमबारसम्म मुद्दा दायर गर्न लागेको छ । सो घोटालामा मुख्यसचिव अर्यालपनि मुछिएका छन् । अख्तियारले उनीमाथि समेत भ्रष्टाचार मुद्दा दायर गर्न लागेको छ ।
प्रधानमन्त्री दाहालले यसअघि कांग्रेससँगको सत्ता सहकार्य हुँदा स्वास्थ्यमन्त्री मोहनबहादुर बस्नेतलाई समेत राजीनामा दिन भनेका थिए । तर, उनले पनि पार्टीभित्रको शक्तिको आड देखाएर बेवास्ता गरेका थिए । प्रधानमन्त्री दाहालले भने सत्ता सहकार्यको कांग्रेसको साथ छोडेर एमाले रोजेपछि बस्नेत प्रधानमन्त्री प्रचण्डको बर्खास्तीमा परेका हुन् । विवादित मन्त्रीको बारेमा संसद्मा समेत राजीनामाको माग उठेको थियो । अहिले विवादमा मुछिएका ती मन्त्रीहरुको जागिर गैसकेको छ ।