काठमाडौं खबर 
पुस २३, २०८१ काठमाडौं। सहकारी ठगी, संगठित अपराध तथा सम्पत्ति शुद्धीकरणको अभियोग झेलिरहेका राष्ट्रिय स्वतन्त्र पार्टी (रास्वपा) का सभापति रवि लामिछानेले आफूलाई पुर्पुक्षको लागि थुनामा जानबाट रोक्नका लागि महान्यायाधिवक्तादेखि अधिवक्तासम्मको लाइन लगाएका छन् । आज सकिएको उनको पक्षको बहसमा कुल ११ कानुन व्यवसायीले बहस गरेका छन् ।
रविको पक्षबाट दुई पूर्वमहान्यायाधिवक्ता रमन श्रेष्ठ र सुशील पन्त बहसमा सहभागी भएका थिए । त्यस्तै, वरिष्ठ अधिवक्ताहरू डा नारायण घिमिरे, हरि सुवेदी, रोहितराज बाँस्तोला, अधिवक्ताहरू डा नारायणदत्त कँडेल, राजेन्द्र सेढाई, सुरज बस्नेत, सुविज्ञ पन्त, सञ्जय गोले र सुनिता राउत, सुरेन्द्र थापा मगरसहितका कानुन व्यवसायीले पनि बचाउ बहस गरेका छन्।
अधिवक्ता बाँस्तोलाका अनुसार बहसको क्रममा कानुन व्यवसायीहरूले प्रथम दृष्टिमै रविमाथि राजनीतिक पूर्वाग्रहका कारण अभियोग लगाइएको देखिने र उनी निर्दोष रहेको जिकिर गरेका थिए।