काठमाडौं खबर 
मंसिर ५, २०८१ काठमाडौं । आगामी १६ गते हुने स्थानीय तह निर्वाचनका लागि उम्मेदवारी दिएकाहरूलाई आज निर्वाचन आयोगले निर्वाचन चिह्न प्रदान गर्ने भएको छ । दलगत आधारमा चुनाव लड्न लागेका उम्मेदवारलाई दलगत चुनाव चिह्न र स्वतन्त्र उम्मेदवारी दिएकाहरूलाई स्वतन्त्र चुनाव चिह्न दिइने निर्वाचन आयोगले जनाएको छ ।
त्यस्तै, आजै उम्मेदवारले नाम फिर्ता लिन सक्ने पनि आयोगले जनाएको छ । बिहान ९ देखि दिउँसो १ बजेसम्म उमेदवारले नाम फिर्ता लिन सक्ने निर्वाचन कार्यतालिका छ ।
नाम फिर्ता लिएकाहरूको नाम कटाएर आजै दिउँसो १ देखि ३ बजेसम्म अन्तिम नामावली प्रकाशन हुनेछ । दिउँसो ३ देखि ५ बजेसम्म उमेदवारलाई निर्वाचन चिह्न प्रदान गरिनेछ ।