काठमाडौं खबर 
मंसिर १६, २०८० काठमाडौँ प्रतिनिधिसभा सदस्य दिपक खड्का सवार गाडी दुर्घटनामा परेको छ । संखुवासभामा कार्यक्रममा सहभागी भई धरान जाने क्रममा उनी सवार प्रदेश १ ०२ ००२ च ३५४५ नम्बरको गाडी दुर्घटनामा परेको हो ।
संखुवासभा कांग्रेस सभापति समेत रहेका खड्का सँगै नेपाली कांग्रेसका महासमिति सदस्य दिपक लिम्वु, नेपाली कांग्रेस चैनपुर नगरपालिका कार्यवाहक सभापति लभकुमार श्रेष्ठ र उनकी श्रीमती र चालकसहित पाँच जना गाडीमा सवार थिए । धनकुटा जिल्लाको साँगुरीगढी गाउँपालिकाको नमस्ते झरना नजिकै दुर्घटना भएको संखुवासभाका कांग्रेस नेता सन्दीप निरौलाले जानकारी दिए । उनका अनुसार गाडीमा सवार सबैजना सुरक्षित रहेका छन् ।