काठमाडौं खबर 
पुस ३, २०८१ काठमाडौं । सुदूरपश्चिम रोयल्स नेपाल प्रिमियर लिगको फाइनलमा प्रवेश गरेको छ । आज भएको क्वालिफायर खेलमा जनकपुरलाई हराउँदै सुदूरपश्चिमले सो यात्रा तय गरेको हो ।
आजको खेलमा सुदूरपश्चिमले जनकपुरलाई ८ विकेटको फराकिलो जित हासिल गर्यो । अन्तिममा १० बलमा तीन रन चाहिएको सुदूरपश्चिमलाई दीपेन्द्रसिंह ऐरीले चौका प्रहार गरेसँगै टिमले सफलता हासिल गरेको थियो ।
आजैको पहिलो खेलमा चितवन राइनोजलाई हराउँदै कर्णाली याक्स क्वालिफायर टु मा पुगेको छ । आजको पहिलो खेलमा १७६रनको लक्ष्य पछ्याएको चितवनले १५४ रन मात्र बनाउन सक्यो ।
अब सुदूरपश्चिमसँग फाइनल खेल खेल्नका लागि कर्णाली र जनकपुर खेल खेल्नेछन् । सो खल जित्ने टोलीले फाइनल खेल खेल्नेछ ।