काठमाडौं खबर 
मंसिर २०, २०८१ काठमाडौं । स्थानीय तहको उपनिर्वाचनमा आफैँलाई भोट नहाल्ने ३७ जनाको सूची निर्वाचन आयोगले जारी गरेको छ । मत ल्याउने मतदाताको सूची सार्वजनिक गर्दा ३७ जना उम्मेदवारको सूची सार्वजनिक गरेको हो ।
यसरी आफैँलाई पनि भोट नहाल्ने उम्मेदवारहरू कुनै पार्टीले डमीको लागि उठाएको उम्मेदवार रहेको निर्वाचन आयोगका अधिकारीहरू बताउँछन् । आफ्नो आधिकारिक उम्मेदवार कसैगरी चुनाव लड्न नसक्ने भएमा समस्या नहोस् भनेर पार्टीहरूले वैकल्पिक उम्मेदवार उठाउने गर्दछन् । यिनै वैकल्पिक उम्मेदवारहरूले आफूलाई पनि भोट नहाल्ने गरेको अधिकारीहरूको भनाइ छ ।