काठमाडौं खबर 
मंसिर १६, २०८१ काठमाडौं । निर्वाचन आयोगले आज जारी रहेको उपनिर्वाचनको मतपरिणाम दुई दिनभित्र सार्वजनिक गर्ने दाबी गरेको छ । प्रमुख निर्वाचन आयुक्त दिनेशकुमार थपलियाले मंसिर १७ गतेभित्रै मतपरिणाम सार्वजनिक गर्ने गरी तयारी गरिएको बताए ।
साथै, समयसमयमा मतगणनाको अपडेट वेभसाइटबाट दिइने पनि आयोगले जनाएको छ । आयोगले एउटा मात्रै केन्द्र रहेको वडामा मतदानलगत्तै मतगणना गर्ने व्यवस्था मिलाउन निर्देशन दिएको छ ।
काठमाडौं । काठमाडौंका चारसहित देशभरका कुल ४१ पदका लागि उपनिर्वाचन हुँदैछ । काठमाडौंमा कीर्तिपुर नगरपालिकाका प्रमुखसहित दुई वडाध्यक्ष र काठमाडौं महानगरपालिका वडा नं १६का वडाध्यक्ष पदका लागि बिहान ७ देखि अपराह्न ५ बजेसम्म मतदान हुँदैछ ।