काठमाडौं खबर 
भदौ २५, २०८१ काठमाडौं । पृथ्वी राजपथअन्तर्गतको नागढुंगा नौबिसे सडक खण्डको पहिरो पन्छाएको छ । नागढुंगामा नजिक खसेको पहिरो पन्छाइए पनि सवारी आवागमन भने अझै सहज हुन नसकेको ट्राफिक प्रहरीले जनाएको छ ।
पहिरो पन्छाइसके पनि सुरुङमार्ग नजिकको स्याउले भन्ने स्थानमा एउटा ट्रक बिग्रिएकाले सवारी आवागमन सहज हुन नसकेको प्रहरीले जनाएको छ ।
सो सडकखण्डमा दुवैतर्फ सवारी साधनहरुको लामो जाम छ । उपत्यका ट्राफिक प्रहरी महाशाखाका अनुसार काठमाडौंतर्फ वाणभञ्ज्याङसम्म सवारी साधनको लाइन छ ।