काठमाडौं खबर 
भदौ १२, २०८१ काठमाडौं । राष्ट्रपति रामचन्द्र पौडेलले नेपाली सेनाको प्रधान सेनापतिमा अशोकराज सिग्देललाई नियुक्त गरेका छन् । बुधबार राष्ट्रपति कार्यालयले जारी गरेको विज्ञप्ति अनुसार भदौ २४ गतेदेखि लागू हुने गरी सिग्देललाई नियुक्त गरिएको हो ।
वर्तमान प्रधानसेनापति प्रभुराम शर्माको कार्यकाल २४ भदौमा समाप्त हुँदैछ । कार्यकाल समाप्त हुनु एक महिनाअघि उनी बिदामा बसेकाले हाल सिग्देल कायम मुकायम प्रधान सेनापति छन् । उनको समय सकिएलगत्तै लागू हुने गरी सिग्देललाई राष्ट्रपतिले नियुक्त गरेका हुन् ।