काठमाडौं खबर 
साउन ३१, २०८१ काठमाडौं । भक्तपुरको गठ्ठाघरमा ट्राफिक प्रहरीले चेकिङ गरिरहेको अवस्थामा ट्रकले ठक्कर दिँदा एक स्कुटर चालक महिलाको ज्यान गएको छ । बा ४९ प ८९४४ नम्बरको स्कुटर ट्राफिक प्रहरीले रोकेर चेकजाँच गरिरहेको अवस्थामा तर ना ६ ख २१७३ नम्बरको ट्रकले एक्कासी ब्रेक लगाउँदा स्कुटरलाई करिब २० मिटर घिसारेको थियो ।
जथाभावी ट्राफिक चेक जाँच गर्दा यस्तो भएको भन्दै ट्राफिक प्रहरीविरुद्ध पनि स्थानीयले आक्रोश पोखेका छन् । आक्रोशित स्थानीयले ठक्कर दिने ट्रकमा आगो लगाएका छन् ।
यद्यपि प्रहरीले तत्काल आगो निभाएको छ। अवस्था तनावपूर्ण बनेपछि अहिले त्यहाँ सशस्त्र प्रहरी परिचालन गरिएको छ।