काठमाडौं खबर 
असार १४, २०८१ एजेन्सी । टि-ट्वान्टी विश्वकप २०२४ को सेमिफाइनलमा भारतविरुद्ध इङ्ल्याण्डले खराब प्रदर्शन गरेको छ । करिब एक घण्टा रोकिएपछि फेरि सुरु भएको खेलमा भारतले १७२ रनको लक्ष्य दिएको थियो । तर जवाफी ब्याटिङ गरेको इङ्ल्याण्डले ७ ओभरमा ४६ रन बनाउँदै
४ विकेटको क्षति ब्यहोरेको छ ।
साविक विजेता इङ्ल्यान्ड र भारतबीचको खेल वर्षाका कारण रोकिएको छ । निकैर रोचक र महत्वपूर्ण खेलको पहिलो इनिङको आधा पनि नसकिँदै खेल रोकिएको थियो ।
नेपाली समय अनुसार बेलुका ८:१५ बजे गयानामा सुरु हुनुपर्ने खेलअघि वर्षा भएपछि खेल ढिलागरी सुरु भएको थियो । पछि ८ ओभरको खेल सकिँदा दुई विकेटको क्षतिमा ६५ रन बनाएको थियो ।
पहिलो सेमिफाइनलमा रिजर्व दिन रहेपनि दोस्रो सेमिफाइनलमा आइसिसीले रिजर्व दिन राखेको छैन । वर्षाका कारण खेल हुन नसकेको खण्डमा भारत फाइनल प्रवेश गर्नेछ ।