काठमाडौं खबर 
फाल्गुन ३, २०८० काठमाडौं । आजदेखि आइसिसी लिग–२ को त्रिदेशीय सिरिज सुरू हुँदैछ । सन् २०२७ को विश्वकपको छनोट प्रतियोगिताको रुपमा रहेको लिग–२ को पहिलो त्रिकोणात्मक सिरिजमा नेपाल, नामिबिया र नेदरल्यान्ड्सले खेल्दैछन् । आजको उद्घाटन खेल कीर्तिपुरस्थित त्रिवि मैदानमा नेपाल र नामिबिया भिड्दै छ । खेल बिहान सवा ९ बजे सुरू हुनेछ ।
नेपालको टिममा रोहित पौडेल, आसिफ शेख, कुशल भुर्तेल, कुशल मल्ल, आरिफ शेख, पवन सर्राफ, भीम सार्की, दीपेन्द्रसिंह ऐरी, गुल्सन झा, सोमपाल कामी, करण केसी, ललित राजवंशी, सूर्य तामाङ, देव खनाल र अनिलकुमार साह छन् ।यस्तै, नेपालले फागुन ५ मा नेदरल्यान्ड्ससँग नेपालले खेल्नेछ । यस्तै, फागुन ९ मा नामिबिया र फागुन १३ मा नेदरल्यान्ड्ससँग खेलेपछि सिरिज सकिनेछ ।
लिग–२ का लागि नेपाल क्रिकेट संघ (क्यान)ले नेपाली टिममा दुई खेलाडी परिवर्तन गरेको छ । क्यानडाविरुद्धको एकदिवसीय सिरिजमा उत्कृष्ट ब्याटिङ गरेका अनिल र देवलाई वैकल्पिकबाट राष्ट्रिय टिममा स्थान दिएको छ । यसअघि टिममा रहेका बायाँ हाते तीव्र गतिका बलर रिजन ढकाल र विकेटकिपर अर्जुन साउद भने टिमबाट बाहिरिएका छन् ।
यस्तो छ खेल तालिका
नेपाल भर्सेस नामिबिया – फागुन ३
नेपाल भर्सेस नेदरल्यान्ड्स – फागुन ५
नेपाल भर्सेस नामिबिया – फागुन ९
नेपाल भर्सेस नेदरल्यान्ड्स – फागुन १३
लिग–२ खेल्ने टिमहरु
क्यानडा, नामिबिया, नेपाल , नेदरल्याण्ड्स, ओमान, स्कटल्याण्ड, संयुक्त अरब इमिरेट्स र संयुक्त राज्य अमेरिका