काठमाडौं खबर 
मंसिर १७, २०८१ काठमाडौं । काठमाडौंमा जारी नेपाल प्रिमियर लिग(एनपिएल) मा सोमबार दुई खेल हुने भएको छ ।
पहिलो खेल बिहान ९ः१५ बजे काठमाडौं गुर्खाजले चितवन राइनोजको सामना गर्दैछ । चितवन युवा खेलाडी कुशल मल्ल र काठमाडौं अनुभवी करण केसीको कप्तानीमा मैदान उत्रनेछ ।
त्यस्तै, दोस्रो खेल दिउँसो १:१५ बजे कर्णाली याक्स र जनकपुर बोल्ट्स खेल्दैछन् । पहिलो खेलमा विराटनगरमाथि ८ विकेटको सहज जित हासिल गरेको जनकपुरले जितको निरन्तरताको लागि प्रयास गर्नेछ ।
जनकपुर अनिल शाहको र कर्णाली भने सोमपाल कामीको कप्तानीमा रहेको छ । पुस ६ गतेसम्म चल्ने एनपिएलमा ८ टोलीको सहभागिता छ । राउन्ड रोबिन लिगपछि शीर्ष ४ टोली प्लेअफमा प्रवेश गर्ने छ ।