हेम पौडेलको स्मृतिमा कविता प्रतियोगिता हुने 

काठमाडौं । बहुआयामिक व्यक्तित्व हेम पौडेलको स्मृतिमा कविता प्रतियोगिता हुने भएको छ । कपन बानेश्वर साहित्यिक साप्ताहिकले कबाको पहिलो संरक्षक सदस्य वरिष्ठ कलाकार तथा साहित्यकार पौडेलको पहिलो स्मृति दिवसको उपलक्ष्यमा प्रतियोगिता गर्न लागेको हो।

प्रतियोगिताको लागि तीन वटा शीर्षक तोकिएको छ । जसका लागि हेम पौड्याल र चरा, हेम पौड्याल र कला, हेम पौडयाल र सौन्दर्यमध्ये एक शीर्षकमा १०० देखि १२५ शब्दको कविता मङ्सिर १५ गतेभित्र hemganga123@gmail.com मा पठाउन अनुरोध गरिएको छ ।

पहिलो,दोस्रो र तेस्रो हुने विजयीहरुलाई एकएक वटा हेम पौडेलको कला कृति र नगद क्रमशः १० हजार र  छ हजार र चार हजार प्रदान गरिने बताइएको छ । माघ २० गते नेपाल ललितकला प्रज्ञा प्रतिष्ठान र कपन बानेश्वर साहित्यिक साप्ताहिकको आयोजनाममा हेम पौडेलको चित्र कला प्रदर्शनी,उनको कविता कृति प्रकाशन र कविता प्रतियोगिता कार्यक्रममा विजयीहरुलाई पुरस्कार अर्पण गरिने कपन बानेश्वर साहित्यिक साप्ताहिकका प्रबन्धक साहित्यकार गङ्गा कर्माचार्य पौडेलले जानकारी दिइन् ।