काठमाडौं खबर 
कार्तिक २७, २०८१ काठमाडौं । यूएईमा भइरहेको यू-१९ महिला टी-२० विश्वकप छनोटअन्तर्गत नेपालले आज चौथो खेल कुवेतसँग खेल्दैछ । हालसम्म चार खेलमा तीन खेल जितेको नेपालले आज कुवेतलाई जितेर आफ्नो छनोटको सम्भावना बलियो बनाउन चाहन्छ । खेल नेपाली समयअनुसार बिहान सवा ११ बजे सुरु हुनेछ ।
यो नेपालको कुवेतसँग दोस्रो खेल हो । पहिलो खेलमा नेपालले कुवेतलाई १०८ रनले पराजित गरेको थियो । त्यसपछि यूएईसँग १३ रनले पराजित भएको नेपालले थाइल्याण्डलाई फेरि १०६ रनले हरायो ।
चार टोली सहभागी छनोट प्रतियोगितामा डबल राउण्ड रोविनका आधारमा खेल भइरहेको छ र शीर्ष स्थानमा रहने टोली मात्र यू-१९ महिला टी-२० विश्वकपमा छनोट हुनेछ ।