काठमाडौं खबर 
कार्तिक ६, २०८१ काठमाडौं। फुटबलर्स मिसन टुगेदरद्वारा आयोजित दोश्रो भेट्रान्स फुटबल प्रतियोगिता २०८१ अन्तर्गत आज मध्यपुर युथ एसोसियसनको खेल मैदानमा सम्पन्न खेलमा त्रिभुवन आर्मी फुटबल क्लबले धरान सिटी एफसीलाई ५–२ ले पराजित गर्यो ।
त्रिभुवन आर्मी क्लबका राजु तामाङ्ग र सन्तोष नेपालीले समान २÷२ गोल गरे र अर्को गोल हरि महतोले गरे भने धरान सिटि एफसीबाट केन्द्र लिम्बु र सुरज कुमार श्रेष्ठले गोल गरेका थिए । त्रिभुवन आर्मी क्लबका राजु तामाङ्ग प्लेयर अफ दि म्याच घोषित भए । उक्त पुरस्कार नेपाली सेना, भैरव वहान गुल्मका मेजर लेलीन थापा मगरले वितरण गरेका थिए ।
त्यस्तै, आजै सम्पन्न दोश्रो खेलमा किंङ्गकम स्पोर्टस क्लबले फाप्ला स्पोर्टस क्लब, धनगढीलाई ८–१ के फराकिलो अन्तरले पराजित गर्यो । किंङ्गकम स्पोर्टस क्लबबाट निमा लामा र विजय महर्जनले समान २, अन्य गोल राकेश श्रेष्ठ, चन्द्र तामाङ्ग, र बालगोपाल साहुखलले गरेका थिए भने फाप्लाका लागि अशोक चन्द्रले गोल गरेका थिए ।
किंङ्गकम स्पोर्टस क्लबका निमा लामा प्लेयर अफ दि म्याच घोषित भए । उक्त पुरस्कार नेपाल प्रहरीका पूर्व एआईजी अमर सिंह शाहले वितरण गरेका थिए ।
आजको तेश्रो तथा अन्तिम खेलमा एनआरटीले वगर भाई खलक, पोखरालाई २–१ ले पराजित गर्यो । एनआरटीका लागि सुरज कुमार श्रेष्ठ र सुविन घिमीरेले गोल गरेका थिए भने वगर भाई खलकका लागि गंगा तामाङ्गले गोल गरेका थिए । एनआरटीका सुविन घिमिरेले प्लेयर अफ दि म्याच घोषित भए । उक्त पुरस्कार मध्यपुर थिमी नगरपालिकाका वडा नम्बर ९ का वडा अध्यक्ष सानुकाजी राजवाहकले वितरण गरेका थिए ।
प्रतियोगिता अन्तर्गत भोलिको पहिलो खेल बिहान ९ बजे एसएनकेसी, काठमाडौंविरुद्ध त्रिभुवन आर्मी क्लब र दोश्रो खेल १ बजे ठमेल टुरिजम डेभलपमेन्ट काउन्सिलविरुद्ध चितवन एफसीबीच खेल हुने कार्यक्रम रहेको छ ।