काठमाडौं खबर 
असार १५, २०८१ काठमाडौं । बुढानीलकण्ठको चपलीमा रहेको गणेश माध्यमिक विद्यालयका पूर्वविद्यार्थीहरुले शिक्षक शिक्षिकालाई सम्मान गरेका छन् । असार १५ गते शनिबारका दिन २०६४ साल एसएलसी ब्याचका पूर्वविधार्थीहरूले सम्मान पत्र र दोसल्ला ओढाएर सम्मान गरेका हुन् ।
विद्यालयका संस्थापक चन्द्रबहादुर खड्कालाई प्रमुख अतिथि बनाएर गरिएको कार्यक्रममा विद्यालयका पूर्वप्रधानाध्यापक दामोदरप्रसाद भण्डारीलाई विशेष अतिथि बनाई गरेको कार्यक्रममा उनलाई पनि सम्मान पत्र र खादा ओढाएर सम्मान गरेको छ।
शनिबार विद्यालयमा एक कार्यक्रम आयोजना गरी पूर्वविद्यार्थीहरूले विद्यालयका २८ जना शिक्षकशिक्षिकालाई सम्मान पत्र र खादा ओढाएर सम्मान गरेको पूर्वविद्यार्थी तथा कार्यक्रमका अध्यक्ष विजय थापाले जानकारी दिए । कार्यक्रममा असारमा १५ गते ( दही, चिउरा ) खाने दिनको शुभकामना आदान प्रदान समेत गरिएको थियो ।
शिक्षकलाई सम्मान प्रदान गरेर विद्यालयको शैक्षिक गुणस्तर र शिक्षक शिक्षिकाहरू हौसला प्रदान गर्न पूर्वविद्यार्थी समाजले निकै महत्त्वपूर्ण भूमिका खेलेको भन्दै उपस्थित अतिथिहरूले आगामी दिनमा पनि समग्र स्कुलको लागि सबैको साथ सहयोग पाउनेमा विश्वस्त रहेको बताए ।