काठमाडौं खबर 
माघ २७, २०८० ब्याजमा लगाएको पैसा समयमै फिर्ता नगरेको भन्दै पोलमा बाँधेर कुटपिट गरिएको घटना सार्वजनिक भएको छ । महोत्तरीमा पोलमा बाँधेर कुटपिट गरिरहेका एक व्यक्तिलाई प्रहरीले पक्राउ गरेको छ ।
धनुषा पिपरा गाउँपालिका-६ का रामकुमार शर्मालाई बुधबार पक्राउ गरिएको जिल्ला प्रहरी कार्यालय महोत्तरीका प्रहरी निरीक्षक महेन्द्र खड्काले जानकारी दिए ।उनका अनुसार शर्माले मंगलबार धनुषाधाम नगरपालिका-५ का ४२ वर्षीय नरेश मण्डललाई पोलमा बाँधेर कुटपिट गरेका थिए । महोत्तरी जिल्ला अदालतबाट ७ दिन म्याद थप गरी घटनाबारे थप अनुसन्धान गरिरहेको उनले बताए ।